रघुवीर रविंद्र रामदासी
कुमारसम्भवं काव्यं रचितं मेघदूतकम्।
कालिदासमहं वन्दे कवीनां कुलदेशिकम्॥१॥
यस्य सर्वेषु काव्येषु चातुर्यप्रतिभादय:।
भानोस्तेज इवाभान्ति कालिदासं नमामि तम्॥२॥
येन विक्रमोर्वशीयं गहनं रघुवंशकम्।
रचितं लीलया तं वै कालिदासं नमाम्यहम्॥३॥
निसर्गेतिप्रीतिमन्तं रामटेकसुभूषणम्।
चरित्रमुत्तमं यस्य कालिदासं नमामि तम्॥४॥
कालिकाया:प्रसादेन चिरपाण्डित्यमाप्तवान्।
कालिदासेति’ तेनैव विख्यातं तं नमाम्यहम्॥५॥
उपमा यस्य रुचिरा रसालंकारसंयुतम्।
काव्यं यो रचयामास कालिदासं नमामि तम्॥६॥
शाकुन्तलं मनोहरं रचयामास यो मुदा।
कल्लेश्वरे भक्तिमन्तं कालिदासं नमामि तम्॥७॥
विद्वद्भि: पूजनीयं च कविं भारतभूषणम्।
गीर्वाणभारतीपुत्रं कालिदासं नमामि तम्॥८॥
रामदासीकुलोत्पन्नो रघुवीरेति नामभाक्।
कालिदासप्रीतिवशाद् कुर्वेऽहं गौरवाष्टकम्॥९॥
॥श्री.चन्द्रशेखरकृपया रघुवीर कृतम् कालिदासाष्टकं सम्पूर्णम्॥
रघुवीर रविंद्र रामदासी
एम ए (संस्कृत, मराठी)एम एड
सध्या अध्यापन कार्य ,संस्कृत समिती सदस्य -महाराष्ट्र राज्य पाठ्यपुस्तक निर्मिती मंडळ, पुणे
संस्कृत समिती सदस्य, -महाराष्ट्र मुक्त विद्यालय मंडळ, पुणे
संस्थापक-कालिदास संस्कृत विद्यापीठ रामटेक, नागपूर.
मान्यताप्राप्त
रविकीर्ति संस्कृत अध्ययन केंद्र, सांगली.
Be the first to comment